ദ്വാരക എ യു പി സ്കൂളിൽ ശിശുദിനം സമുചിതമായി ആഘോഷിച്ചു.കുട്ടികളുടെ പ്രധാനമന്ത്രി നിർമൽ മാത്യു ശിശുദിന സന്ദേശം നൽകി. സ്പീക്കർ മെറിൽ ബിൻ ഗ്രെയ്സ് അധ്യക്ഷത വഹിച്ചു. ചടങ്ങിൽ മേഘ ജോയി സ്വാഗത ഭാഷണം നടത്തി. വിവിധ മത്സര വിജയികൾക്ക് പാസ്റ്ററൽ സെന്റർ ഡയറക്ടർ റവ.ഫാദർ പോൾ വാഴപ്പള്ളി സമ്മാനങ്ങൾ നൽകി. ചൈൽഡ് റിപ്പോർട്ടറായി തിരഞ്ഞെടുക്കപ്പെട്ട ഏഴാം ക്ലാസ് വിദ്യാർത്ഥിനി അഞ്ജന സുരേഷ് ആശംസകൾ അറിയിച്ചു. അക്ഷജ് കെ ജോണി നന്ദി അർപ്പിച്ചു. തുടർന്ന് കുട്ടികൾ അണിനിരന്ന വർണശബളമായ റാലിക്ക് വാർഡ് മെമ്പർ സുബൈദ പുളിയോടിയിൽ, എച്ച്.എം ശ്രീ . സജി ജോൺ, പി.റ്റി.എ പ്രസിഡണ്ട് ശ്രീ മനു കുഴിവേലി, എം.പി.റ്റി.എ പ്രസിഡണ്ട് ശ്രീമതി.ഷീജ മാത്യു, വൈസ് പ്രസിഡണ്ട് ശ്രീ.തോക്കൻ മമ്മൂട്ടി, എം.പി.റ്റി.എ വൈസ് പ്രസിഡണ്ട് ശ്രീമതി. മിനി സജി , എക്സിക്യൂട്ടീവ് അംഗങ്ങൾ എന്നിവർ നേതൃത്വം നൽകി. നാസിക് ബാന്റിന്റെ അകമ്പടി റാലിക്ക് മാറ്റുകൂട്ടി. പി.റ്റി.എ യുടെ നേതൃത്വത്തിലാണ് കുട്ടികൾക്ക് വിഭവസമൃദ്ധമായ ഉച്ചഭക്ഷണം നൽകിയത്.
No comments:
Post a Comment