ഹിന്ദി ഭാഷാ പരിശീലനം ‘ത്സലക്’ വേറിട്ട പ്രവർത്തനവുമായി ദ്വാരക എ.യു.പി സ്‌കൂൾ

ദ്വാരക എ.യു.പി. സ്‌കൂളിൽ യു.പി. വിഭാഗത്തിലെ മുഴുവൻ കുട്ടികൾക്കും ഹിന്ദി ഭാഷയിൽ ലേഖന, വായന ശേഷികൾ ഉറപ്പിക്കുന്നതിന്റെ ഭാഗമായി പതിപ്പ് നിർമ്മാണം നടത്തി. മുഴുവൻ കുട്ടികളും സ്വന്തമായി പതിപ്പ് നിർമ്മിച്ചു. ഇതിലൂടെ അക്ഷരങ്ങൾ ഉറപ്പിക്കാനും , പദസമ്പത്ത് വർദ്ധിപ്പിക്കാനും സാധിച്ചു. പതിപ്പിന്റെ പ്രകാശനം സ്‌കൂൾ മാനേജർ റവ.ഫാദർ ജോസ് തേക്കനാടി നിർവഹിച്ചു. മികച്ച പതിപ്പ് ‘ബഗീചൻ’ (പൂന്തോട്ടം) തയ്യാറാക്കിയ മെറിൻ ബിൻ ഗ്രെയ്‌സിനെ ഹെഡ്‌മാസ്റ്റർ സജി ജോൺ അനുമോദിച്ചു. അധ്യാപകരായ മാർഗ്രറ്റ് സി ജെ , റീത്താമ്മ ജോൺ എന്നിവർ നേതൃത്വം നൽകി.