പരിസ്ഥിതി സംരക്ഷണം

           പ്രകൃതിയെ സംരക്ഷിക്കാനായി ചെയ്യുന്ന പ്രവർത്തികളെയാണ് പരിസ്ഥിതി സംരക്ഷണം എന്നതുകൊണ്ട് അർഥമാക്കുന്നത്.

   ഭൂമിയിൽ അധിവസിക്കുന്ന മനുഷ്യനും മറ്റെല്ലാജീവജാലങ്ങളും പരസ്പരം ബന്ധപ്പെട്ടാണ് നിലനിൽക്കുന്നത്.പ്രകൃതിയുടെ സന്തുലിതാവസ്ഥ നിലനിർത്തുന്ന കാര്യത്തിൽ നാം ജാഗരൂഗരായില്ലെങ്കിൽ പ്രകൃതിയുടെ നിലനിൽപ്പിനുതന്നെ ഭീഷണിയായിതീരും.മനുഷ്യൻ ഉൾപ്പെടെയുള്ള ജീവജാലങ്ങളുടെ നിലനിൽപ്പിനാവശ്യമായ വിഭവങ്ങൾ ലഭ്യമാവുന്നത് പ്രകൃതിയിൽ നിന്നാണ്.

                           ആദ്യകാലങ്ങളിൽ പ്രകൃതിയുമായി ഇണങ്ങിചേർന്ന ഒരു ജീവിതമാണ് മനുഷ്യൻ നയിച്ചിരുന്നത്.എന്നാൽ കാലംകഴിയുംതോറും പ്രകൃതിയുമായുള്ള മനുഷ്യന്റെ അടുപ്പം കുറഞ്ഞുവരികയും പ്രകൃതി വിഭവങ്ങളെ അമിതമായി ചൂഷണംചെയ്യുകയും,ചെയ്യുന്ന പ്രവർത്തികൾ നടന്നുവരുന്നതുകാരണം പ്രകൃതിയുടെ നാശത്തിന് കാരണമാവുകയും ചെയ്യുന്നു.

              വനനശീകരണവും കുന്നിടിക്കൽ അടക്കമുള്ള അമിതമായ പ്രകൃതിചൂഷണവും കാരണം മനുഷ്യരാശിയുടെ നിലനിൽപ്പിനുതന്നെ ഭീഷണിയായിരിക്കുകയാണ്.ഇത്തരത്തിലുള്ള പ്രകൃതിചൂഷണം നിയന്തിക്കുന്നതിന് പരിസ്ഥിതി സംരക്ഷണം അത്യന്താപേക്ഷിതമാണ്. അമിത വിഭവ ഉപയോഗം, ജനപ്പെരുപ്പം,സാങ്കേതിക വളർച്ച എന്നിവ പരിസ്ഥിതിയിൽ ചെലുത്തുന്ന മാറ്റങ്ങൾ അതിന്റെ ക്ഷയത്തിന് കാരണമാവുന്നു.

          ആയതിനാൽ പരിസ്ഥിതി സംരക്ഷിക്കേണ്ടത് ഓരോ വ്യക്തിയുടെയും കടമയാണ്.

അനുപ്രിയ 6 A

കൊറോണ എന്ന മഹാമാരി

         കൊറോണ വൈറസ് അഥവാ കോവിഡ് 19 ഒരു മഹാമാരിയായി പരിണമിച്ചുവല്ലോ. ലോകം മുഴുവൻ ഈ മഹാമാരിയുടെ പിടിയിലായി. അതു കൊണ്ട് തന്നെ ഇതിനെ ഇല്ലാതാക്കാനുള്ള കഠിനശ്രമത്തിലാണ് ലോകം മുഴുവൻ .അതിൽ നാം വിജയിക്കുമെന്ന് ഉറപ്പാണ്.

എന്താണ് കൊറോണ വൈറസ്?. ഇത് അപകടമാകുന്നതെങ്ങനെ ?. 

       എവിടെ നിന്നാണ് ഈ വൈറസ് വന്നതെന്ന് ഇതുവരെ ശാസ്ത്രലോകം  കണ്ടെത്തിയിട്ടില്ല. മനുഷ്യൻ്റെയും മൃഗത്തിൻ്റെയും സെല്ലുകളിൽ ഇവ കയറി കൂടി പെരുകുന്നു. ഒന്നിൽ നിന്നും മറ്റൊന്നിലേക്കി പകരുന്നു.മുഖ്യമായും ശ്വസനനാളിയെയാണ് കൊറോണ വൈറസ് ബാധിക്കുക. ജലദോഷവും ന്യുമോണിയയുമൊക്കെയായി ലക്ഷണങ്ങൾ കാണിക്കുന്നു. 

      കഠിനമായ തൊണ്ടവേദന അനുഭവപ്പെടുന്നു. രോഗം ഗുരുതരമായാൽ സാർസ്, ന്യൂമോണിയ, വൃക്ക സ്തംഭനം ,എന്നിവ ഉണ്ടാകും. മരണത്തിനും കാരണമാകുന്നു. മനുഷ്യർ ,മൃഗങ്ങൾ, പക്ഷികൾ ,തുടങ്ങിയ സസ്തനികളിൽ രോഗ മാരിയാകുന്ന ഒരു കൂട്ടം RNA വൈറസുകളാണ് കൊറോണ എന്നറിയപ്പെടുന്നത് .

             ഗോളാകൃതിയിലുള്ള കൊറോണ വൈറസിന് ആ പേര് വന്നത് അതിൻ്റെ സ്തരത്തിൽ നിന്നും സൂര്യരശ്മികൾ പോലെ തോന്നിപ്പിക്കുന്ന തരത്തിൽ സ്ഥിതി ചെയ്യുന്ന കൂർത്ത മുനകൾ കാരണമാണ് .2002-2003 കാലഘട്ടത്തിൽ ചൈനയിലും സമീപ രാജ്യങ്ങളിലും പടർന്നു പിടിച്ചSARS ,സൗദി അറേബ്യയിൽ ഉണ്ടായMERS എന്നീ രോഗങ്ങൾ അനേകം ആളുകളെ കൊന്നൊടുക്കി. ചൈനയിൽ ഇപ്പോൾ കണ്ടെത്തിയിരിക്കുന്ന ഈ വൈറസ് ഇവയിൽ നിന്നും അല്പം വ്യത്യസ്തമായ ജനിതകമാറ്റം സംഭവിച്ച നോവൽ കൊറോണ എന്നതാണ്. ആരോഗ്യമുള്ളവരിൽ കൊറോണ വൈറസ് അപകടകാരിയല്ല.

             പ്രായമായവരിലും കുട്ടികളിലും വൈറസ് പിടിമുറുക്കും .ഇതുവഴി ന്യൂമോണിയ, ബ്രോങ്കൈറ്റിസ് പോലുള്ള ശ്വാസകോശ രോഗങ്ങൾ പിടിപെടുകയും ചിലപ്പോൾ മരണം പോലും സംഭവിക്കുകയും ചെയ്യും. കൊറോണ വൈറസിനെ പ്രതിരോധിക്കുവാനുള്ള വാക്സിൻ ഇതുവരെ കണ്ടെത്തിയിട്ടില്ല. രോഗലക്ഷണങ്ങളുടെ അടിസ്ഥാനത്തിലുള്ള ചികിത്സയാണ് ഇപ്പോൾ നൽകുന്നത്. ഒരു പകർച്ചവ്യാധി ആയതിനാൽ സാമൂഹിക അകലം പാലിച്ച് ഇതിനെ നമുക്ക് പ്രതിരോധിക്കാം. നല്ലതിനായി പ്രാർത്ഥിക്കാം.

ദിയ റ്റി.എസ് 5 B

‌ജാഗ്രത

‌ജാഗ്രത

നമ്മെ എല്ലാവരെയും ആശങ്കയിലാഴ്ത്തിയ മഹാവിപത്താണ് കൊറോണ വൈറസ് പരത്തുന്ന കോവിഡ് 19. ലോക ജനതയെ പിടിച്ചുകുലുക്കിയ മഹാവിപത്ത്. ചൈന, ഇറ്റലി, ജർമ്മനി, അമേരിക്ക, ഇന്ത്യ, ബ്രിട്ടൺ തുടങ്ങി നിരവധി രാജ്യങ്ങളിൽ ഒരുപാട് ജനങ്ങൾ മരണപ്പെട്ടു. ഇപ്പോഴും ഒരുപാട് പേർ നിരീക്ഷണത്തിലാണ്.ഇതിനു മുമ്പും നിപ്പയായും പ്രളയമായും നിരവധി വി പത്തുകൾ നമ്മൾ അതിജീവിച്ചിരുന്നു.

കൊറോണ വൈറസിന് സ്വന്തമായി നിലനില്പ്പില്ല. ആദ്യം മൃഗങ്ങളിൽ നിന്ന് മൃഗങ്ങളിലേക്കും പിന്നീട് മൃഗങ്ങളിൽ നിന്ന് മനുഷ്യരിലേക്കും പടരുന്നു. വൈറസ് ഒരു വ്യക്തിയുടെ ശരീരത്തിൽ കയറിപ്പറ്റിയാൽ ശ്വാസതടസം ഉണ്ടാകുന്നു ഈ വൈറസ് മൂലം അസുഖമുള്ള വ്യക്തിക്ക് ആദ്യം വരുന്നത് ജലദോഷമാണ്. ഈ രോഗത്തിന്റെ ലക്ഷണങ്ങൾ ജലദോഷം, പനി, ചുമ, ശ്വാസതടസം, തുമ്മൽ എന്നിവയാണ്

കോവിഡ് 19 അധികമായി തുടരുന്ന സാഹചര്യത്തിൽ ലോക്ക് ഡൗൺപ്രഖ്യാപിച്ചിരിക്കുന്നു. അത്യാവശ്യത്തിനു മാത്രം പുറത്തിറങ്ങുക, പുറത്തു പോയി വന്നതിനു ശേഷo കൈകാലുകൾ വൃത്തിയായി സോപ്പുപയോഗിച്ച് കഴുകുക, സാനിറ്റൈസർ ഉപയോഗിക്കുക ,വ്യക്തിശുചിത്വം പാലിക്കുക തുടങ്ങിയവ ശീലമാക്കുവാൻ നമ്മൾ പരിശ്രമിക്കണം.

നമുക്കു വേണ്ടി സ്വന്തം ജീവൻ പോലും നോക്കാതെ ഡോക്ടർമാർ, നഴ്സുമാർ ,പോലീസുകാർ, ആരോഗ്യ വകുപ്പുകാർ എന്നിവരെല്ലാം പ്രയത്നിക്കുന്നു. അതിനാൽ നമ്മൾ അവരോടു സഹകരിക്കണം.

ഭയമല്ല ജാഗ്രതയാണ് നമുക്ക് വേണ്ടത്.

ശിവാനി രാജീവ്

7 B എ യു പി എസ് ദ്വാരക മാനന്തവാടി ഉപജില്ല വയനാട് അക്ഷരവൃക്ഷം പദ്ധതി, 2020 ലേഖനം

കോവിഡ് അവധിക്കാലം

കോവിഡ് അവധിക്കാലം

അങ്ങനെ നീണ്ട ഒരു അവധികാലം കിട്ടി, കളിച്ചും , മാങ്ങ പറിച്ചും, ചക്ക തിന്നും ,കശു വണ്ടി പെറുക്കിയും ,സൈക്കിൾ ഓടിച്ചും, ഊഞ്ഞാൽ ആടിയും, ചിത്രം വരച്ചും, ടി.വി.കണ്ടും അടികൂടിയും, ഫുട്ബോൾ കളിച്ചും ഓരോ ദിവസവും തള്ളി നീക്കുന്നു. വളരെ വിഷമ ഘട്ടത്തിലാണ് നമ്മൾ എല്ലാവരും. കാരണം ലോകജനങ്ങളെ കാർന്നുതിന്നുന്ന കൊറൊണ വൈറസ്...ഈ വൈറസിനെതിരെ കഷ്ടപെടുന്ന എല്ലാവരെയും ഞാൻ പ്രാർത്ഥനയിൽ ഓർക്കുന്നു. ആർക്കും പുറത്തിറങ്ങി നടക്കാൻ പറ്റാത്ത അവസ്ഥയാണ്. പള്ളിയിൽ പോകാനോ, അമ്മ വീട്ടിൽ പോകനോ, പുറത്തിറങ്ങി നടക്കാൻ പോലും പറ്റാത്ത അവസ്ഥയാണ്.വീട്ടിൽ ഇരുന്നു മടുത്തു . പുറത്തിറങ്ങിയാൽ പോലിസ് അടിക്കും... എന്നാണാവോ സ്കൂൾ തുറക്കുക ? കൊതിയാകുന്നു കൂട്ടുകാരെയും , ടീച്ചർ മാരെയും കാണാൻ. ഞാൻ സ്വപ്നത്തിൽ കാണാറുണ്ട് സ്കൂൾ തുറക്കുന്നതും പഴയപടി എല്ലാം ആകുന്നതും കാത്തിരിപ്പാണ്

പ്രകൃതിയുടെ കഥ

പ്രകൃതിയുടെ കഥ

സുന്ദരമായ ഈ പ്രകൃതി ദൈവ ദാനമാണ്. നമുക്ക് ജീവിക്കാൻ ആവശ്യമുള്ളതെല്ലാം പ്രകൃതിയിൽ നിന്ന് ലഭിക്കുന്നു. ശ്വസിക്കുവാൻ വായു ശുദ്ധമായ ജലവും ഭക്ഷണവും പ്രകൃതിയിൽ നിന്ന് ലഭിക്കുന്നു. ഇത്രയും ഫലഭൂയിഷ്ടമായ പ്രകൃതിയെ സംരക്ഷിക്കേണ്ടത് നമ്മുടെ കടമയാണ്,. എല്ലാ ജീവജാലങ്ങളും പ്രകൃതിയെ ആശ്രയിച്ചാണ് ജീവിക്കുന്നത്.ഇതിന് വേണ്ടി മനുഷ്യർ പരിസ്തിഥി ക്ക് ഗുണകരമായ രീതിയിൽ പ്രവർത്തിച്ചാൽ മതി. മാലിന്യങ്ങൾ നല്ല രീതിയിൽ സംസ്കരിച്ചും മരങ്ങൾ നട്ടുപിടിപ്പിച്ചും ജലാശയങ്ങൾ മലിനമാക്കാതെ പരിപാലിക്കണം.അതികമായി വായൂ മലിനീകരണം നടത്താതെയും നമുക്ക് പ്രകൃതിയെ സംരക്ഷിക്കാം. ഭൂമിയിൽ മരങ്ങൾ വർദ്ധിക്കുന്നതു കൊണ്ട് ഓക്സിജൻ്റെ അളവ് അന്തരീക്ഷത്തിൽ കൂടുന്നു.ഇത് കൂടുതൽ ശുദ്ധവായു ലഭിക്കുന്നതിന് കാരണമാകുന്നു ഭൂമിയുടെ ചൂടിൻ്റെ വർദ്ധന തടയാനും ശരിയായ കാലാവസ്ഥ ലഭിക്കാനും ശുദ്ധജലം ലഭിക്കാനും നമുക്ക് പ്രകൃതിയെ സംരക്ഷിക്കാം. നമ്മുടെ എല്ലാവരുടെയും ഉത്തരവാദിത്വമാണ് പ്രകൃതിയെ സംരക്ഷിക്കൽ...

ഭയാനകമായ കോവിഡ് ദുരന്തം

ഭയാനകമായ കോവിഡ് ദുരന്തം

ഇതുവരെ ലോകം കണ്ട മാരകമായ വൈറസ് ആണ് കൊറോണ . ചൈനയിലെ വുഹാനിൽ നിന്നും ആരംഭിച്ച കൊറോണ ഇന്ന് ലോകത്തിന്റെ പല രാഷ്ട്രങ്ങളിലും പടർന്നുകൊണ്ടിരിക്കുന്നു. ദൗർഭാഗ്യമെന്ന് പറയട്ടെ നമ്മുടെ ഇന്ത്യയിലും ഈ വൈറസ് പടർന്നു പിടിച്ചിരിക്കുന്നു. നമ്മുടെ കൊച്ചു കേരളവും ഇന്ന് കോവിഡ് ഭീതിയിലാണ്. വിലപ്പെട്ട മനുഷ്യ ജീവനുകൾ ഈ വൈറസ് കവർന്നെടുത്തു കൊണ്ടിരിക്കുന്നു. ഇതുവരെ മതിയായ ചികിൽസ കണ്ടുപിടിക്കാത്തതുകൊണ്ട് ഈ രോഗം വരാതിരിക്കാനുള്ള മുൻകരുതലുകളാണ് നമ്മളോരോരുത്തരും സ്വീകരിക്കേണ്ടത്.

കൊറോണ വൈറസ് ബാധിച്ചാൽ ഉള്ള രോഗലക്ഷണങ്ങൾ

2 മുതൽ 10 ദിവസത്തിനകം പ്രത്യക്ഷപ്പെടും. മറ്റു രാജ്യങ്ങളിൽ നിന്നു വരുന്ന വർ തീർച്ചയായും വൈദ്യ പരിശോധന നടത്തണം. രോഗിയെ പരിചരിക്കുന്നവർ കയ്യുറ , മാസ്ക് എന്നിവ ധരിക്കണം. രോഗിയുടെ ശരീരസ്രവങ്ങളുമായി സമ്പർക്കം ഉണ്ടാകരുത്. കൈയ്യും മുഖവും സോപ്പ് ഉപയോഗിച്ച് ഇടയ്ക്കിടെ വൃത്തിയാക്കുക. തോർത്ത് , വസ്ത്രങ്ങൾ ഇവ ബ്ലീച്ചിംഗ് ലായനി ഉപയോഗിച്ച് കഴുകി വെയിലത്ത് ഉണക്കുക. ചുമയ്ക്കുമ്പോഴും തുമ്മുമ്പോഴും ടൗവ്വൽ ഉപയോഗിച്ച് വായും മൂക്കും മറയ്ക്കുക. പൊതു സ്ഥലത്ത് തുപ്പാതിരിക്കുക. ചുമയോ, ജലദോഷമോ, ശ്വാസതടസ്സമോ തോന്നുന്നുവെങ്കിൽ ഉടൻ വൈദ്യ സഹായം തേടുക. ഹസ്തദാനം ഒഴിവാക്കുക. ഇത്രയും കാര്യങ്ങൾ നമ്മൾ ഓരോരുത്തരും ശ്രദ്ധിച്ചാൽ ഈ വൈറസിനെ നമുക്ക് തുരത്താനാകും.

പരീക്ഷകൾ മാറ്റി, ദൂര യാത്രകൾ മാറ്റി, വിവാഹം, മരണാനന്തര ചടങ്ങുകൾ ഇതെല്ലാം വെറും ചടങ്ങുകൾ മാത്രമായി.

കോവിഡ് 19 വൈറസേ ...നിന്നെ ഞങ്ങൾ ഒറ്റകെട്ടായി ചേർന്ന് തോൽപ്പിക്കും. ശുചിത്വം പാലിച്ച് കൊണ്ട് നിന്നെ ഞങ്ങൾ കീഴ്പ്പെടുത്തും...

കൊറോണ പഠിപ്പിച്ച പാഠങ്ങൾ

കൊറോണ പഠിപ്പിച്ച പാഠങ്ങൾ

ലോക ജനതയെ മുഴുവൻ ആശങ്കപ്പെടുത്തിയ മഹാമാരിയായി കൊറോണ രോഗം മാറിയിട്ടുണ്ട് .അണുക്കളുടെ വ്യാപനം ദ്രുതഗതിയിൽ നടക്കുകയാണ്. ലോകത്തിന്റെ ഒരു കോണിൽ കണ്ടു തുടങ്ങിയ അണുക്കൾ ലോകത്തെ ഭൂരിഭാഗം രാജ്യങ്ങളിലും എത്തുന്നതിന് കുറഞ്ഞ ദിവസങ്ങൾ മാത്രമെ വേണ്ടി വന്നുള്ളൂ .വിവിധ രാജ്യങ്ങൾ തമ്മിലുള്ള പരസ്പര ബന്ധമാണ് അണുക്കളുടെ വ്യാപനം നമ്മെ ബോധ്യപ്പടുത്തുന്നത് .തൊഴിലിനായുo,ഉൽപ്പന്നങ്ങളുടെ വിപണനത്തിനായും, വിനോദസഞ്ചാരത്തിനായും രാജ്യാന്തര യാത്രകൾ നടത്തേണ്ടതായി വരുന്നു .ചില ഗുണമുണ്ടങ്കിലും ഗുണത്തേക്കാളേറെ ദോഷങ്ങൾ സൃഷ്ട്ടിക്കുന്ന ഒന്നായി ഇത് മാറിയിട്ടുണ്ട് .രാജ്യങ്ങളും സമൂഹവും വ്യക്തികളും സ്വയം പര്യാപതമാവുകയാണ് ഇതിനുള്ള പരിഹാരം. തൊഴിലിനായും ഉത്പന്നങ്ങൾക്കായും ഇതര രാജ്യങ്ങളും സംസ്ഥാനങ്ങളെ ആശ്രയിക്കുന്ന സ്ഥിതി മാറ്റേണ്ടതുണ്ട് .സ്നേഹവും സാഹോദര്യവും നിലനിർത്തി കൊണ്ട് സ്യയം പര്യാപ്തനാവുക എന്നതാണ് കൊറോണയുടെ പാoമായി ഞാൻ മനസിലാക്കുന്നത്.

കൊറോണ

കൊറോണ

 കൊറോണ അല്ലെങ്കിൽ കോവിഡ് 19 എന്നി രണ്ട് പേരുകൾ പലയിടത്തും ആശയ കുഴപ്പം ഉണ്ടാക്കുന്നു.ഇത് രണ്ടും രണ്ട് വയറസ്സുകളാണെ എന്ന് കരുതുന്നവർ ഉണ്ട്. അല്ല കൊറോണ രോഗത്തെയും അതിനു കാരണമായ വയറസ്സിനെയും പ്രത്യേക പേര് ഇട്ട് വിളികുന്നു എന്നേയുള്ളു. കൊറോണ വയറസ്സ് എങ്ങനെയാണ് അപകടകാരി ആകുന്നത് എന്ന് നോക്കാം. നമ്മുടെ പ്രധിരോധ ശേഷിയെ തളർത്തുകയാണ് കൊറോണ ചെയ്യുനത്. അതുമൂലം പല രോഗങ്ങൾക്കും നമ്മുടെ ശരീരത്തെ ആക്രമിക്കാൻ സാധിക്കിം.സാധാരണയായി കണ്ടുവരുന്ന ലക്ഷണങ്ങൾ ജലദോഷമോ, തൊണ്ടവേദനയോ, ചുമയോ, തുമമലോ കൊറോണയുടെ ലക്ഷണങ്ങൾ ആയേക്കാം ശ്വാസതടസമാണ് മറ്റൊരു പ്രധാന ലക്ഷ്ണം. കൊറോണ ബാധിച്ചവരിൽ ന്യുമോണിയക്ക് ഉള്ള സാധ്യതയും വളരെ കൂടുതൽ ആണ്. കഫം, ശ്വാസതടസം, പനി, ന്യൂമോണിയ, കിഡ്നി ഫെയിൽ എന്നിവയിലൂടെ ആണ് ഒരാളെ മരണത്തിലേക്ക് എത്തിക്കുന്നത്. 

 ഈ വയറസ് ബാധക്ക് ഇന്ന് വരെ പ്രത്യേകിച്ച് ഒരു മരുന്നും കണ്ട് പിടിച്ചിട്ടില്ല പരിചരണ ശുശ്രൂഷ മാത്രം. കൊറോണ അധവാ കോവിഡ് 19 എന്ന ഈ വയറസിനെ തുരത്താൻ നമ്മൾ സ്വീകരിക്കേണ്ട മാർഗ്ഗങ്ങൾ ആണ് ഏറ്റവും സുപ്രധാനമായ കാര്യം ഈ രോഗാണു രോഗം ബാധിച്ച ആളിൽ നിന്ന് ആരോഗ്യ പ്രവർത്തകരിലൂടെ മറ്റുള്ളവരിലേക്ക് പകർന്നേക്കാം. രോഗം ബാധിച്ച ആളിൽ നിന്നും .കുടുംബാ അഗങ്ങളിലൂട യോ മിത്രങ്ങളിലൂട യോ മറ്റുള്ളവരിലേക്ക് പകർന്നേക്കാം.ശരീരവുമായിട്ടുള്ള സ്പർശനത്തിലൂടെ ഈ രോഗാണു പകരുന്നതാണ്. കൊറോണ ബാധിച്ച ആൾ ചുമക്കുകയോ തുമ്മുകയോ ചെയ്യുമ്പോൾ അടുത്തുള്ളവർക്ക് ശ്വാസത്തിലൂടയും രോഗം പകരാവുന്നതാണ്.പ്രതിരോധ മരുന്നുകളോ പരിഹാരമരുന്നുകളൊകണ്ടെത്തുന്നതു വരെ നമ്മൾ അൽപം ശ്രദ്ധ വെച്ചാൽ ഈ വയnസിൽ നിന്ന് നമുക്ക് ഈ മാനവകുലത്തെ രക്ഷിക്കാം. തുമ്മുകയോ ചുമക്കുകയോ ചെയ്യുമ്പോൾ മുഖം ഒരു ടൗവ്വൽ ഉപയോഗിച്ച് അടച്ച് പിടിക്കുക. ഇത് വയറസ് ബാധ ഉള്ളവരൊ വയറസ് ബാധ ഉണ്ട് എന്ന് സംശയിക്കപെടുന്നവരൊ ഇത് ഒന്നും ബാധകം അല്ലാത്തവരൊ ഇങ്ങനെ തന്നെ ചെയ്യേണ്ടതു തന്നെയാണ്.ഇത് ഒരു സാമൂഹിക ഉത്തരവാധിത്തമാണ്. എപ്പോഴും മുഖത്ത് ഒരു മാസ്ക് അണിഞ്ഞ് നടക്കുക പ്രത്യേകിച്ച് പുറത്ത് ഇറങ്ങുമ്പോഴും ജനക്കൂട്ടത്തിലേക്ക് പോകുമ്പോഴെല്ലാം ഒരു ഫെയിസ്മസ്ക് ഉപയോഗിച്ച് മൂക്കും വായും കവർ ചെയ്ത് വെക്കുവാൻ പ്രത്യേകം ശ്രദ്ധിക്കുക. 

 നമ്മുടെ കുഞ്ഞുങ്ങളെ പുറത്തെല്ലാം കൊണ്ടു പോകുമ്പോൾ ഒരു മുഖാവരണം അണിയിപ്പിക്കേണ്ടത് ആവശ്യം തന്നെയാണ്. കൈ ഇടക്ക് ഇടക്ക് സോപ്പോ സോപ്പ്ലായനി യോ ഉപയോഗിച്ച് കഴുകുക. അല്ലെങ്കിൽ ഹാൻ്റ് വാഷ് ഉപയോഗിച്ച് കഴുകുക. വളർത്തുമൃഗങ്ങളുമായി സമ്പർക്കം ഒഴിവാക്കുക.നമ്മൾ കഴിക്കുന്ന ഭക്ഷണം നല്ലതാപത്തിൽ വേവിച്ചതാണ് എന്ന് ഉറപ്പ് വരുത്തുക. അനാവശ്യമായി പുറത്ത് ഇറങ്ങാതിരിക്കുക ആവശ്യത്തിന് മാത്രം പുറത്ത് ഇറങ്ങുക, വേണ്ടത്ര അകലം പാലിക്കുക, വിരലുകൾ കൊണ്ട് മൂക്കിലോ വായിലോ, കണ്ണിലോ സ്പർശിക്കാതിരിക്കുക.തിളപ്പിച്ച വെള്ളം മാത്രം കുടിക്കുക, തൊണ്ട വരളാ തെ ശ്രദ്ധിക്കുക, എപ്പോഴും ആവശ്യത്തിന് വെള്ളം കുടിക്കുവാൻ ശ്രദ്ധിക്കുക. രോഗബാധിതരെ ഒറ്റപെടുത്തുവാനോ കുറ്റപെടുത്തുവാനോ ശ്രമിക്കരുത് അവർക്ക് പരിചരണം മാത്രമാണ് ആവശ്യം. രോഗം മാത്രമാണ് നമ്മുടെ ശത്രു കൊറോണയെ തുരത്താൻ നമ്മൾ പ്രതിജ്ഞാ ബന്ധനാണ് അതിനായി നമുക്ക് ഒന്നിച്ച് കൈകോർക്കാം.

അവധിക്കാലം

അവധിക്കാലം

    അവധിക്കാലം എന്ന് പറയുമ്പോൾ തന്നെ പല -പല രൂപങ്ങളാണ്  നമ്മുക്ക് ഓർമ്മ വരുക. വിനോദയാത്ര, മാങ്ങപറിക്കൽ, മുത്തച്ഛനോടും മുത്തശ്ശിയോടും കൂടിയുള്ള കഥ  പറയൽ,... അങ്ങനെ -അങ്ങനെ ഒരുപാട് ചിത്രങ്ങളാണ് നമ്മുക്ക് ഓർമ്മ വരുക. സത്യത്തിൽ അവധിക്കാലം എന്നത് ഒരു ഉത്സവമാണ്. ആ ദിവസങ്ങളിൽ നമ്മൾ നമ്മളെക്കുറിച്ചോ നമ്മുടെ വീടിനെക്കുറിച്ചോ ഒന്നും തന്നെ ആലോചിക്കില്ല "ആ രണ്ട്  മാസക്കാലം എത്ര പെട്ടന്നാണ് കടന്നു പോകുന്നത് എന്ന് ഓരോ കുട്ടിയും ചിന്തിച്ചിട്ടുണ്ടാകും...." 

    എന്നാൽ ഈ വർഷത്തെ അവധിക്കാലം നമ്മുടെയെല്ലാം  സ്വപ്നങ്ങളെ  തകിടം മറിച്ചാണ് കടന്നു പോകുന്നത്. കൊറോണ അഥവാ കോവിഡ് -19 എന്ന വൈറസ് ലോകമെമ്പാടും വ്യാപിക്കുകയും ആളുകൾ പരസ്പരം കണ്ടുമുട്ടുന്ന സാഹചര്യം ഇല്ലാതാക്കുകയും ചെയ്തതോടെ നമ്മൾ ഓരോരുത്തരും സ്വന്തം വീടുകളിൽ അടച്ചുപൂട്ടിയിരിക്കേണ്ടതായി വന്നു. അങ്ങനെ നമ്മുടെ അവധിക്കാല സ്വപ്‌നങ്ങൾ നമ്മുടെ നല്ല ഓർമ്മകളിലൊന്നായി മാറി. കൊറോണ ഭീഷണി നിലനിൽക്കുന്നതിനാൽ അവധിക്കാല ക്യാമ്പുകൾക്കും കോഴ്സുകൾക്കുമെല്ലാം സ്കൂളിനൊപ്പം അവധിയാണ്. 

   എങ്കിലും ചില അദ്ധ്യാപകർ സോഷ്യൽ മീഡിയ വഴി കുട്ടികളുടെ കഴിവിനെയും അറിവിനെയും വികസിപ്പിക്കുകയാണിവിടെ. ഇപ്രകാരമുള്ള മാതൃകയായ അദ്ധ്യാപകർ നമുക്ക്ചുറ്റും ഉള്ളിടത്തോളം കാലം നമ്മുടെ കുട്ടികൾ ഒരിക്കലും വഴിപിഴച്ചുപോവുകയില്ല. അതുപോലെ ഈ സാഹചര്യത്തിൽ നമുക്കുവേണ്ടി പ്രവർത്തിക്കുന്ന പോലീസ് ഉദ്യോഗസ്ഥരെയും സർക്കാരിനെയും എത്ര അഭിനന്ദിച്ചാലും മതിയാവില്ല. സ്വന്തം ജീവൻ പണയം വെച്ച് ജനങ്ങളെ സംരക്ഷിക്കുകയാണവർ. എങ്കിലും നമ്മൾ ആരും തന്നെ അതിനെക്കുറിച്ച് ഓർക്കാറ് പോലുമില്ല. അതുകൊണ്ടുതന്നെ ഗവൺമെന്റിന്റെ  നിർദ്ദേശങ്ങൾ അനുസ്സരിക്കുകയും വൃത്തി കൈവിടാതിരിക്കുകയും ചെയ്യുക. അങ്ങനെ ഈ വർഷത്തെ അവധിക്കാലം പ്രാർത്ഥനയിലൂടെയും പഠനപ്രവർത്തനങ്ങളിലൂടെയും നമുക്ക് കഴിച്ച് കൂട്ടാം.......

തോരാതെ പെയ്യുന്ന മഹാമാരി

തോരാതെ പെയ്യുന്ന മഹാമാരി

   ചൈനയിലെ ഹുബെയ് പ്രവിശ്യയിലെ വുഹാൻ നഗരത്തിൽ മുന്നറിവില്ലാത്ത ന്യുമോണിയ രോഗ ബാധ കാണുന്നതായി 2019ഡിസംബർ 31ന് ചൈനയിലെ ഭരണകൂടം ലോകാരോഗ്യ സംഘടനയെ അറിയിച്ചു. ചൈനീസ് ഗവേഷകർ രോഗകാരണമായ വൈറസ് ഒരു നൂതന കൊറോണ വൈറസ് ആണെന്ന പ്രാഥമിക നിഗമനത്തിൽ എത്തിയതായി ലോകാരോഗ്യ സംഘടന 2020ജനുവരി 9ന് കുറിപ്പിലൂടെ അറിയിച്ചു. 2020മാർച്ച് മാസം 20തിയ്യതി വരെ ഏതാണ്ട് 6000ത്തിൽ അധികം  കോവിഡ് -19 മരണങ്ങൾ ലോകത്തിൽ റിപ്പോർട്ട്‌ ചെയ്തിട്ടുണ്ട്. ലോക്ക് ഡൌൺ, നിരോധനാജ്ഞ, വിമാന താവള പരിശോധനകൾ, സംസർഗം വിലക്കൽ, സാമൂഹിക അകലം തുടങ്ങിയവ ഇതിന്റെ ആവശ്യകത ആയി മാറിയിരിക്കുന്നു.

   ലോകാരോഗ്യ സംഘടന കോവിഡ് -19ഒരു മഹാമാരി ആയി പ്രഖ്യാപിച്ചിട്ടുണ്ട്. കോവിഡ് -19ബാധിച്ച ഒരു രോഗി പനി, മൂക്കൊലിപ്പ്, ശ്വാസ തടസ്സം എന്നീ രോഗലക്ഷണങ്ങൾ രണ്ടു മുതൽ പതിനാല് ദിവസത്തിനുള്ളിൽ പ്രകടിപ്പിക്കും. പ്രാഥമികമായി ഈ രോഗം പരക്കുന്നത് രോഗി തുമ്മുമ്പോഴും, ചുമക്കുമ്പോഴും വരുന്ന സ്രവത്തുള്ളികളിൽ കൂടിയാണ്. ഒരു വ്യക്തി അണു ബാധ ഉള്ള സ്ഥലത്തോ, വസ്തുവിലോ തൊട്ടതിനു ശേഷം തന്റെ മൂക്കിലോ, വായിലോ, കണ്ണുകളിലോ തൊടുകയാണെങ്കിൽ ആ വ്യക്തിക്ക് അണു ബാധ ലഭിച്ചേക്കാം.

   എല്ലാ പ്രായക്കാരെയും കോവിഡ് -19ബാധിക്കുമെങ്കിലും 80വയസ്സിനു മുകളിൽ പ്രായം മുള്ളവർക്കാണ് മരണ സാധ്യത ഏറെ എന്ന് ചൈനയിലെയും, ദക്ഷിണ കൊറിയയിലെയും കണക്കുകളിൽ നിന്ന് വ്യക്തമാകുന്നു. ഹൃദയ സംബന്ധമായ അസുഖം ഉള്ളവരിലും, പ്രമേഹ രോഗികളിലും കോവിഡ് -19അണു ബാധ മറ്റുള്ളവരെ അപേക്ഷിച്ചു കൂടുതൽ മരണ കാരണമായേക്കാം. അതുപോലെ ജോലിയിൽ നിന്ന് വിരമിച്ചവരിലും മരണ നിരക്ക് താരതമ്യേന ഉയർന്നു കാണപ്പെടുന്നു. ഇപ്പോഴത്തെ സാഹചര്യത്തിൽ കോവിഡ് -19രോഗികളെ ചികിൽസിക്കാൻ ഗവേഷണാധിഷ്ഠിതമായ മരുന്നുകളൊന്നും ലഭ്യമല്ല. ഓരോ രോഗിയുടെയും പ്രത്ത്യേ ക സാഹചര്യം, രോഗ തീവ്രത എന്നിവ കണക്കിലെടുത്തു HIV വിരുദ്ധ (anti hiv)മരുന്നുകൾ ചികിത്സ ക്കായി കേന്ദ്ര ആരോഗ്യ മന്ത്രലയം ശുപാർശ ചെയ്തിട്ടുണ്ട്.

   രോഗ ബാധ തടയുന്നതിനുള്ള ഏറ്റവും നല്ലമാർഗം ഇടക്കിടെ സോപ്പ്‌, ഹാൻഡ് വാഷ് ഇതിലേതെങ്കിലും ഒന്ന് ഉപയോഗിച്ച് കൈകൾ വൃത്തിയായി കഴുകുക എന്നതാണ്. WHO ഇതിനായി 7സ്റ്റെപ് ഹാൻഡ് വാഷിംഗ്‌ ടെക്‌നിക് നിർദ്ദേശിക്കുന്നു. കൂടാതെ സാനിറ്റിസിർ കൈ വൃത്തി യാക്കാൻ ഉപയോഗിക്കാവുന്നതാണ്. മുഖാവരണം ഉപയോഗിക്കുന്നത് കൊറോണ വൈറസ് പകർച്ച വ്യാധിയുടെ  വ്യാപനത്തെ തടയുന്നുണ്ട്. അടുത്തതായി സാമൂഹിക അകലം പാലിക്കൽ -തുമ്മുകയോ, ചുമയ്ക്കുകയോ ചെയ്യുന്നവരിൽ നിന്ന് ഒരു മീറ്റർ ഏങ്കിലും അകലം പാലിക്കുക. കണ്ണിലും, മൂക്കിലും വായിലും ഇടക്കിടെ തൊടാതിരിക്കുക, ശ്വസന ശുചിത്വം പാലിക്കുക. പരമാവധി പൊതു സ്ഥലങ്ങളിലും, ആളുകൾ കൂടുന്ന സ്ഥലങ്ങളിലും പോകാതെ വീട്ടിൽ തന്നെ കഴിയുക. വീടും, പരിസരവും വൃത്തിയായി  സൂക്ഷിക്കുക.

   എല്ലാ ജീവജാലങ്ങളെയും ബാധിക്കുന്ന ഒരു മഹാ ദുരന്തമായി കോവിഡ് -19മാറുന്ന ഈ സാഹചര്യത്തിൽ രോഗത്തെ അതിജീവിക്കാൻ സർക്കാർ നിർദ്ദേശപ്രകാരം സാമൂഹിക അകലം പാലിച്ചു ഒറ്റകെട്ടായി നമുക്ക് പ്രവർത്തിക്കാം.