പ്രളയ ദുരിതത്താൽ പഠനസാമഗ്രികൾ നഷ്ടപ്പെട്ട കൊച്ചു കൂട്ടുകാരെ തന്നാലാവുന്നതു പോലെ സഹായിക്കുവാൻ നിശ്ചയിച്ച ദ്വാരക എ.യു.പി സ്കൂൾ അഞ്ചാം ക്ലാസ് എ ഡിവിഷനിലെ വിദ്യാർത്ഥിയായ ഫെനിറ്റോ ബിജു തന്റെ കുടുക്കയിൽ ശേഖരിച്ച തുക മുഴുവൻ സ്കൂളിന് കൈമാറി. കൂട്ടുകാർക്കൊരു നല്ല പാഠം നൽകിയ ഫെനിറ്റോയേ ഹെഡ്മാസ്റ്റർ സജി ജോൺ, ക്ലാസ് ടീച്ചർ സിനി മാത്യു എന്നിവർ അഭിനന്ദിച്ചു.
